"2º Nadal Solidario en Barro". Campaña de Recollida de Alimentos Non perecedeiros para familias de Barro organizada pola AC Fervenza da Barosa

• Nesta 2ª edición "Nadal Solidario en Barro"  preténdese recoller e superar os máis de 500 kg do ano pasado.
• Establécense 17 puntos de recollida en total, situados en tódalas parroquias do concello, en distintos lugares, como igrexas, locais comerciais ou hosteleiros
• Colaboran na actividade como patrocinadores Envialia-Transpobedasa, Adega Moraima, Fotografía Copyline, Supermercado DIA e Supermercado San Antoniño.
• Colaboran tamén na actividade @s 17 locais, entidades públicas e privadas, locais comerciais, locais hosteleiros que figuran como puntos de recollida.

Barro, 10 de Decembro de 2013. A Asociación Cultural "Amigos da Fervenza da Barosa" de Barro, organiza o "2º Nadal Solidario en Barro", que é unha Campaña de Recollida de Alimentos Non perecedeiros para familias de Barro.

Esta campaña desenrolarase dende os vindeiros días ata despois das festividade de Reis, en Xaneiro de 2014, e pretende recoller a colaboración dos veciños de Barro coas persoas máis necesitadas do noso Concello.

Dende a AC Fervenza da Barosa imos implicar a outras entidades públicas ou privadas para facilitar dita recollida e acadar o máximo número de kilos de alimentos, coa pretensión de superar os 508 kg recollidos o ano pasado.

Para unha maior eficiencia na recollida dúas persoas da directiva actuarán como Coordinadores da mesma, participando o resto da directiva da AC e os socios.

Existen dous teléfonos de contacto para calquera suxestión que serán o 668.853.863 e o 668.878.958

Tódolos alimentos recollidos serán entregados aos Servizos Sociais do Concello de Barro, para que dentro do seu programa de reparto de alimentos llo fagan chegar de maneira anónima a quen corresponde.

A día de hoxe, os puntos de recollida habilitados son:

SUPERMERCADO DÍA (SAN ANTONIÑO-PERDECANAI)
SUPERMERCADO SAN ANTONIÑO (SAN ANTONIÑO-PERDECANAI)
CENTRO DE SAUDE DE BARRO (SAN ANTONIÑO-PERDECANAI)
COLEXIO PUBLICO AMOR RUIBAL (SAN ANTONIÑO-PERDECANAI)
IES PÚBLICO DE BARRO (OUTEIRO-PERDECANAI)
CASA OUBIÑA(GÁNDARA-PERDECANAI)
IGREXA PARROQUIAL (PERDECANAI)

IGREXA PARROQUIAL (BARRO)
A DE MARUJA (BARRO)

A DE RIAL (VALIÑAS)
IGREXA PARROQUIAL (VALIÑAS)

IGREXA PARROQUIAL (AGUDELO)

IGREXA PARROQUIAL (PORTELA)
CAFE-BAR A LAREIRA (PORTELA)

IGREXA PARROQUIAL(CURRO)
SUPERMERCADO MOLDES(FONTE DE CURRO)

Dende a Asociación queremos facer un chamamento á colaboración, necesaria e urxente, e ao respecto desta actividade e non descartamos algunhas actuacións adicionais para a consecución dun éxito maior, que iremos comunicando a medida que avancen algunhas xestións que estamos realizando.