Ofértanse 2.200 prazas para
nenos e nenas de 8 a 13 anos
·
O prazo para
inscribirse nos campamentos está aberto ata o vindeiro 1 de abril
A Deputación
de Pontevedra vén de aprobar o expediente de contratación da asistencia
técnico-educativa que se encargará dos campamentos de A Lanzada.
O obxectivo é
dotar os campamentos dunha boa programación lúdica e educativa, así como do
persoal de dirección e monitores cualificados para a atención dos 2.200 nenos e
nenas que participarán nestes campamentos organizados pola Deputación
Provincial.
Os campamentos
desenvolveranse en 11 quendas de 200 cativos cada unha, sendo a primeira do 22
de xuño ao 28 de xuño e as seguintes en semanas sucesivas, ata rematar na
quenda do 31 de agosto ao 6 de setembro.
A Deputación
destina 143.000 euros ao financiamento desta asistencia técnica.
Os campamentos
están dirixidos a nenos e nenas de entre 8 e 13 anos e teñen unha elevada
demanda. Neles, os participantes disfrutan de actividades variadas, relacionadas
coa natureza, os deportes, xogos exteriores e interiores, actividades
artísticas, de sensibilización ambiental, actividades na praia….
Nestes
momentos, está aberto o prazo de inscrición para participar nestes campamentos,
que os interesados poderán realizar no rexistro da Deputación ata o 1 de abril.
Dado que
habitualmente a demanda de prazas nestes campamentos supera a oferta, farase un
sorteo entre todos os inscritos para adxudicar as prazas dispoñibles en cada un
dos campamentos.
Deste sorteo
daráselle prioridade aos nenos e nenas que non participasen neles o pasado ano.
No hay comentarios:
Publicar un comentario