O Grupo de Gaitas e Lembranzas de Barro recibe unha axuda da Deputación de Pontevedra para apoiar a cultura.

En total foron 135 as entidades da provincia beneficiadas, ás que se lle concederon 120.000 euros

9 ASOCIACIÓNS E ENTIDADES MUSICAIS DE PONTEVEDRA RECIBIRON APOIO DA DEPUTACIÓN PARA A ADQUISICIÓN DE INSTRUMENTOS E VESTIARIO

·       Beneficiáronse destas achegas entidades de Pontevedra, Barro, Cotobade, Pontecaldelas

 A Deputación de Pontevedra destinou 7.800 euros a 9 grupos e asociacións musicais dos concellos de Pontevedra, Barro, Cotobade, Pontecaldelas, para a adquisición de instrumentos e vestiario.

Estas axudas enmárcanse no plan de subvencións dirixido a apoiar a cultura,  fomentando e promovendo actividades desta índole, como as que desenvolven as numerosísimas bandas de música, grupos de gaitas, asociacións folclóricas, corais polifónicas, agrupacións de baile, pandereteiras, rondallas e outras asociacións culturais.

As entidades beneficiarias foron 4 agrupacións do concello de Pontevedra, 1 do de Barro, 3 de Cotobade, e unha de Pontecaldelas.

Concello	Entidades	Obxectivo
Cotobade	-Asociación Cultural Os Trazantes Tenorio	Adquisición de Vestiario
	-Asociación Catro Ventos
	-Banda de Música Unión Musicla de Tenorio	Adquisición de Instrumentos
Barro	-Grupo de Gaitas e Lembranzas de Barro
Pontecaldelas	-Asociación cultural Buchabade
Pontevedra	-Asociación Cultural Orquestra filharmónica Cidade de Pontevedra -Asociación Cultural Gaiteiros Os de Algures -Músico cultural San Martiño Salcedo
	- Asociación Dúos Pontes	Adquisición de vestiario

 Estas achegas forman parte dunha liña de axudas da Administración provincial da que se beneficiaron 135 entidades en toda a provincia, cun orzamento de 120.000 euros.