BARRO PARTICIPA: UN TOTAL DE 76 CENTROS EDUCATIVOS PONTEVEDRESES DESENVOLVERÁN ESTE CURSO PLANS ESPECÍFICOS DE FORMACIÓN DO PROFESORADO PARA RESPONDER ÁS SÚAS PROPIAS NECESIDADES, NO MARCO DA CONVOCATORIA DA CONSELLERÍA DE CULTURA E EDUCACIÓN

§         O departamento educativo da Xunta de Galicia vén de publicar a resolución, na que se detallan os centros se incorporan á iniciativa e os que participan nela por segundo ano consecutivo

§         Trátase dunha nova aposta da Xunta de Galicia, enmarcada no Plan Anual de Formación do Profesorado, pola actualización dos coñecementos dos docentes como un dos eixos fundamentais para a mellora da calidade educativa

 Un total de 76 centros educativos da provincia de Pontevedra desenvolverán ao longo deste curso 2013/2014 plans de formación do profesorado específicos, adecuados ás particularidades da súa propia comunidade educativa, ao abeiro da convocatoria realizada pola Consellería de Cultura, Educación e Ordenación Universitaria no marco do Plan Anual de Formación do Profesorado. Na primeira convocatoria destes plans, que se desenvolveu ao longo do curso 2012/2013, participaron 68 centros educativos de toda Galicia con cadanseu plan, que implicaron a formación de 1.552 docentes e un investimento da Consellería de preto de 220.000 euros.

O portal educativo http://www.edu.xunta.es/web/  publica hoxe a resolución na que se detallan os centros que se incorporan a esta iniciativa – 53 da provincia de Pontevedra - e os que continúan desenvolvéndoa ao igual que fixeron o curso pasado- 23 da provincia de Pontevedra-. Trátase, dunha nova aposta da Xunta de Galicia pola actualización dos coñecementos dos docentes como un dos eixos fundamentais para a mellora da calidade educativa. Estes plans de formación, para os que a Consellería prestará o seu apoio económico e humano – a través dos Centros de Formación e Recursos e do Centro Autonómico de Formación e Innovación- son ademais unha aposta máis pola autonomía dos centros educativos á hora de analizar as súas fortalezas e eivas e plantexar estratexias de reforzo, un eido que tamén se está a traballar desde os contratos-programa.

Liñas de traballo

As propostas que deberon presentar os centros xiran arredor dalgunha das sete liñas de traballo contempladas na convocatoria, referidas á programación, desenvolvemento e avaliación de competencias básicas, facendo especial fincapé no tratamento das linguas, tanto propias como estranxeiras; á integración didáctica das novas tecnoloxías da información e a comunicación (TICs), e ao uso para o traballo cooperativo en rede a través de espazos virtuais; á mellora da xestión dos centros e dos procesos de calidade; á convivencia escolar e o clima da aula;  e ás propostas para a atención á diversidade e os cambios metodolóxicos asociados. As liñas seis e sete foron as referidas ás accións encamiñadas a mellorar o desempeño profesional docente e á actualización científica e didáctica do profesorado, e á xestión directiva dos centros, respectivamente.

Para seren seleccionados, cada centro tivo que propoñer un plan integrado por un ou dous itinerarios formativos en relación con algunha das devanditas liñas de traballo; itinerarios que estarán compostos por, polo menos, dúas ou tres actividades, tales como seminarios, cursos ou grupos de traballo.

Os materiais que xurdan do desenvolvemento de cada un dos plans que finalmente se autoricen poderán poñerse en común para o beneficio de toda a comunidade educativa galega e a difusión das boas prácticas dos centros, en prol dunha mellora da calidade do ensino.

Centros participantes

A relación de centros da provincia que participan por primeira vez este curso na iniciativa é a seguinte:

Nome do centro	Concello
CEIP CABADA VAZQUEZ - CODESIDO	A ESTRADA
CEIP PEREZ VIONDI	A ESTRADA
CEIP A LAMA	A LAMA
CEIP DE AGOLADA	AGOLADA
CEIP PLURILINGÜE A PEDRA	BUEU
EEI DA PASTORA	CAMBADOS
CEIP DE CASTRELO	CAMBADOS
CEIP SAN TOME DE CAMBADOS	CAMBADOS
CEIP ENRIQUE BARREIRO PIÑEIRO	CAMBADOS
CEIP PEDRO ANTONIO CERVIÑO	CAMPO LAMEIRO
CEIP ANTONIO BLANCO RODRIGUEZ	COVELO
CPI AURELIO MARCELINO REY GARCIA	CUNTIS
CEIP CHANO PIÑEIRO	GONDOMAR
CEP XOSE NEIRA VILAS	GONDOMAR
CEIP MANUEL RIVERO	LALIN
CEIP XESUS GOLMAR	LALIN
CEIP CARBALLAL	MARIN
CEIP DE SEIXO	MARIN
CEIP COIRON-DENA	MEAÑO
IES DE MEAÑO	MEAÑO
CPI SANTA LUCIA	MORAÑA
CEIP CARLOS CASARES	NIGRAN
CEE DE PANXON	NIGRÁN
CEIP ROSALIA DE CASTRO	O GROVE
CEIP PLURILINGÜE ANTONIO PALACIOS	O PORRIÑO
IES PINO MANSO	O PORRIÑO
IES RIBEIRA DO LOURO	O PORRIÑO
IES DE POIO	POIO
CEIP PLURILINGÜE DE CHANCELAS	POIO
CEIP MANUEL CORDO BOULLOSA	PONTE CALDELAS
IES PONTEAREAS	PONTEAREAS
CPI DE PONTECESURES	PONTECESURES
EPAPU RIO LEREZ	PONTEVEDRA
CEIP A CARBALLEIRA	PONTEVEDRA
CEIP A XUNQUEIRA 1	PONTEVEDRA
IES MONTECELO	PONTEVEDRA
IES PEDRO FLORIANI	REDONDELA
IES SALVATERRA DE MIÑO	SALVATERRA DE MIÑO
CEIP PLURILINGÜE DE NANTES	SANXENXO
IES SANXENXO	SANXENXO
IES PINTOR COLMEIRO	SILLEDA
CEIP DE BANDEIRA	SILLEDA
CEIP DE SOBRADA	TOMIÑO
CRA MESTRE MANUEL GARCES	TOMIÑO
CEIP ALFONSO D. RODRIGUEZ CASTELAO	VIGO
CEIP CARBALLAL-CABRAL	VIGO
CEIP O SELLO	VIGO
CEIP VALLE-INCLAN	VIGO
IES REPUBLICA ORIENTAL DO URUGUAI	VIGO
IES SANTA IRENE	VIGO
IES FERMIN BOUZA BREY	VILAGARCIA DE AROUSA
CEIP A LOMBA	VILAGARCIA DE AROUSA
CEIP AREALONGA	VILAGARCIA DE AROUSA

  

A relación de centros que xa participaron no curso 2012/2013 e repiten este ano é a seguinte:

 

Nome do centro	Concello
CEIP Amor Ruibal	Barro
CEIP Foxo	A Estrada
CEIP de Figueroa	A Estrada
CPI Cova Terreña	Baiona
IES Aqua Celenis	Caldas de Reis
CEP Antonio Magariños Pastoriza	Cambados
IES Monte Carrasco	Cangas
CPI Progreso	Catoira
CRA Antía Cal	Gondomar
IES Mestre Landín	Marín
CEIP A Guía	Moaña
CEIP de Lourido	Poio
IES de Ponte Caldelas	Ponte Caldelas
CEIP San Benito de Lérez	Pontevedra
CEIP Froebel	Pontevedra
IES A Xunqueira I	Pontevedra
CEIP de Leirado	Salvaterra de Miño
CEIP Plurilingüe  Nº 1	Tui
CEIP Paraixal	Vigo
IES Audiovisual de Vigo	Vigo
ESAD de Galicia	Vigo
CPI Toural	Vilaboa
CEP de Riomaior	Vilaboa