O PLAN PILOTO DE COMPOSTAXE QUE PREPARA A DEPUTACIÓN PERMITIRÁ ELIMINAR 750 TONELADAS DE RESIDUOS ORGÁNICOS NA PROVINCIA - Voz de Barro. Noticias

Breaking

El tiempo en Barro

El tiempo - Tutiempo.net

jueves, 20 de junio de 2013

O PLAN PILOTO DE COMPOSTAXE QUE PREPARA A DEPUTACIÓN PERMITIRÁ ELIMINAR 750 TONELADAS DE RESIDUOS ORGÁNICOS NA PROVINCIA


Louzán clausurou en Madrid o cumio Estatísticas de Residuos ¿Onde estamos? ¿Onde queremos estar?
·       O presidente da Deputación presidiu en Madrid a Comisión de Medio Ambiente da FEMP, na que, entre outros temas, se abordou o papel das entidade locais na xestión dos residuos
O presidente da Deputación Provincial de Pontevedra, Rafael Louzán, presidiu esta mañá en Madrid a Comisión de Medio Ambiente da FEMP, na que, entre outros asuntos, se abordou o papel das entidades locais e a situación actual da xestión de residuos.
Este foi tamén o tema do cumio Estatísticas de Residuos ¿Ónde Estamos? ¿Onde queremos estar?, organizado polo Instituto para a Sustentabilidade dos Recursos e que clausurou Rafael Louzán. O obxectivo central das xornadas foi analizar a situación na que se atopa a xestión dos residuos en España e, especialmente, a necesidade de establecer uns parámetros estatísticos que permitan avaliar o estado actual e, sobre todo, cumprir cos obxectivos marcados pola Directiva Europea de Residuos.
Cómpre ter en conta, tal e como subliñou o presidente da Deputación, que a nova lei de residuos e a directiva europea marca para 2020 uns obxectivos de reciclaxe e reutilización que todos os países deberán cumprir e que, en consecuencia, vai esixir un enorme esforzo de todas as administracións e, en especial, dos concellos, que son os que teñen competencias na materia.
1.500 composteiros
Nesta liña, a Deputación de Pontevedra ten xa en marcha varias iniciativas orientadas a facilitar a prestación do servizo de recollida de lixo nos concellos da provincia e, en consecuencia, a cumprir coa nova normativa que establece, entre outras cuestións, a redución ata 2020 dun 10% do peso do residuo que vai á recollida e a esixencia de reciclar ou reutilizar como mínimo o 50 % do papel, metal, plástico e vidro procedente de residuos domésticos y de outros orixes de características similares a los domésticos.
Entre as medidas nas que se está a traballar e que perseguen, precisamente, avanzar no cumprimento deses dous obxectivos, é o plan piloto de compostaxe que suporá a distribución, inicialmente, de 1.500 contedores entre outras tantas familias da provincia, o que permitirá sacar da cadea de recollida de lixo máis de 750 toneladas de residuos orgánicos ao ano.
A elas hai que sumar a reorganización do servizo que se pretende realizar nos 39 concellos da provincia que decidiron sumarse ao proxecto de posta en marcha dun servizo conxunto de recollida de lixo e que permitirá ir dando pasos na reciclaxe e reutilización de vidro, papel e cartón, plástico e outros materiais, así como na redución de residuos en orixe.
A provincia de Pontevedra xera o 34% dos residuos que se recollen en toda Galicia, o que supón un total de 390.000 toneladas.
No caso dos concellos que solicitaron sumarse a un servizo provincial de recollida, a xeración de residuos achégase ás 100.000 toneladas. Delas, sepárase un 11%  de envases, papel, cartón e vidro para destinalo á reciclaxe.
Na súa intervención nas xornadas sobre Estatísticas de Residuos Louzán salientou a necesidade de que os concellos conten con todo o apoio posible para poder facer fronte aos novos retos e destacou as medidas que está a adoptar a FEMP, como a redacción dunha ordenanza tipo para regular a recollida de lixo ou un prego de condicións para a adxudicación do servizo nos concellos.



No hay comentarios:

Publicar un comentario