A Deputación reúnese con tres asociacións de fútbol de veteranos e Ponteveteranos.com que agrupan a 248 equipos e máis de 5.000 licenzas federativas,entre eles os de Barro.

O presidente da Deputación de Pontevedra, Rafael Louzán, mantivo unha xuntanza de traballo con representantes das asociación de fútbol de veteranos da provincia _Club de Veteranos e Club Primaveira, de Vigo, e Club de Veteranos de Pontevedra_ que agrupan a 248 equipos e máis de 5.300 licenzas federativas.

O obxecto da xuntanza era coñecer de primeira mán os problemas e as necesidades dos devanditos clubes para estudiar liñas de apoio futuras da institución provincial.

Os representantes dos clubes presentaron a páxina web da entidade de Pontevedra (www.ponteveteranos.com) , destacaron problemas derivados do alquiler dos campos e da necesidade dun local en Vigo así como demandaron que a Deputación continúe, na medida das súas disponibilidades presupuestarias, co apoio que nos últimos anos veu dando a estas asociacións.

Este apoio da institución provincial foi para a edición de calendarios deportivos, para compra de trofeos para os distintos torneos, para financiar o equipamento dos árbitros e para a dotación de 5.600 bolsas de deporte.

O Club de Veteranos de Pontevedra está formado por 114 equipos que reúnen 2.800 licenzas federativas. O de Vigo tén 5 divisións deportivas, integra a 98 equipos e conta con 2.500 licenzas. O Club Primavera, de Vigo, é o máis antigo pois fundado en 1984, integra a 36 equipos formados por 800 futbolistas pero, a diferenza dos anteriores, agrupa a xentes de todas as idades e non só veteranos.