A música é un dos lazos para unir a xuventude máis fortes que podemos atopar. A partir desta idea nace o “Percontro 2012”, onde músicos de entre 15 e 25 anos das bandas de música das localidades de Meaño e Barro que teñen unha paixón en común, a percusión, convivirán esta semana empapados na música feita polos centos de instrumentos que ten esta familia, tan antiga como o propio ser humano, e cunha evolución que aínda segue a asombrarnos. Todo esto culminará cun concerto que realizarán nun entorno natural como é o Parque natural Barosa, o cal encherán con sons e ritmos tan variados como distintos serán os instrumentos que os producirán.
É o primeiro ano que se organiza este proxecto con moita ilusión por parte dos participantes, que esperan sorpender a todo o público que se achegue o próximo venres 20 ás 22h, buscando desfrutar dunha noite chea de novas sensacións sonoras nun marco incomparable.
No hay comentarios:
Publicar un comentario