Manso e amigos e Esteban Batallán poñen o broche á elección das raíñas do Albariño.VIDEONOTICIA

O acto de nomeamento tivo lugar onte na Praza de Fefiñáns. Ambas recoñeceron estar emocionadas e moi contentas.

Unha mestura de sorpresa e emoción que perfectamente se podía ver nas súas caras. Así foi o momento no que as novas raíñas da sesenta edición da Festa do Albariño de Cambados. Son Mar Otero Torreiro de seis anos e Vanessa Piñeiro Noya de quince. Respectivamente, as raíñas Infantil e a do Albariño.

Momentos antes de sabelo resultado das votacións do xurado puidemos falar con elas onde nos relataron cales son as súas aficións e se estaban nerviosas neses minutos previos. A partires de agora, as novas embaixadoras serán as encargadas de levar o nome de Cambados e o do Albariño alá por onde vaian.

O alcalde, Luis Aragunde, tamén deu unhas palabras neste acto. Lembrou ós fundadores desta festa e resaltou o traballo de todo o sector vitícola da DO Rías Baixas. Así mesmo, garantiu que Cambados vai seguir fomentando a cultura do viño con festas coma esta. 

 

A actuación de grupo cambadés Manso e amigos e o grande trompetista Esteban Batallán, da Orquesta Sinfónica de Granada puxeron o broche final ó acto.

Pincha na imaxe para ver o vídeo: