Barro recibe 31.590 euros da Deputación de Pontevedra para cofinanciar os Servizos Sociais Comunitarios Municipais

LOUZÁN ASINA CON 53 ALCALDES O CONVENIO PARA COFINANCIAR OS SERVIZOS SOCIAIS COMUNITARIOS MUNICIPAIS PARA OS QUE A DEPUTACIÓN DESTINA 2,4 MILLÓNS DE EUROS

O presidente da Deputación de Pontevedra, Rafael Louzán, e alcaldes de 53 concellos da provincia (os de menos de 20.000 habitantes) asinaron hoxe un convenio para cofinanciar os Servizos Sociais Comunitarios Municipiais.
 

A Deputación destina a esta iniciativa un total de 2,4 millóns de euros que posibilitará o pago das nóminas de 350 empregados (250 do Servizo de Axuda no Fogar e 100 técnicos) e que beneficiará a miles de personas da poboación de 397.529 habitantes que conforman os concellos citados.

Co convenio, a Deputación financiará os seguintes tres servizos: o Servizo de Axuda no Fogar na modalidade de prestación básica; a contratación do Persoal dos equipos municipais de servizos sociais comunitarios; a retribución do persoal dos centros municipais de Servizos Sociais comunitarios específicos

Este convenio abre as portas dunha nova colaboración directa da Deputación cos concellos medianos e pequenos nunha materia de máximo interese e das que máis preocupan aos alcaldes/esas como son os servizos sociais, a atención aos veciños e veciñas que máis o precisan.

Esta acción realizaráse tralo acordo asinado entre a Xunta de Galicia e a Deputación de Pontevedra con motivo da aprobación do Decreto 99/2012 de 16 de marzo, que regula o financiamento dos servizos sociais.

Co acordo, os concellos van ter a garantía absoluta non só de que van poder seguir prestando estes servizos, senón que o mellorarán.

O Servizo de Atención no Fogar permite darlle asistencia personalizada no seu propio domicilio a aquelas persoas que precisan de axuda para a súa vida diaria: para a súa hixiene, para a súa alimentación, para o coidado do fogar, así como atención psicosocial, sanitaria e educativa.

A Deputación fixo un extraordinario esforzo para ir máis alá na aportación para Axuda no Fogar que a Xunta fixera en 2010. A institución provincial asumiu como compromiso seu máis de 1 millón de euros: no  2010, a Xunta aportara 1,1 millóns; no 2011, apenas 226.000 euros; e agora, a Deputación aporta 1 millón máis que a Xunta no 2010 e achega a cuantía aos 2 millóns de euros.

O reparto por concellos da citada cuantía fíxose con criterios obxectivos tendo en conta parámetros establecidos pola Xunta como área urbana, metropolitana, semiurbana ou rural; índice de envellecemento e de  dependencia; orografía; envellecemento, número de centros de cada concello, etc.. A cantidade que percibirá cada concello é como sigue:

CORPORACIÓN LOCAL PRESTADORA DE SSCM DE MENOS DE 20.000 HABITANTES		CANTIDADE SUBVENCIONADA POR SERVIZO AXUDA FOGAR, SERVIZOS SOCIAIS COMUNITARIOS E SERVIZOS SOCIAIS COMUNITARIOS ESPECÍFICOS
1.	Agolada	46.580 €
2.	Arbo	44.550
3.	Baiona	36.851
4.	Barro	31.590
5.	Bueu	45.973
6.	Caldas de Reis	50.906
7.	Cambados	45.071
8.	Campo Lameiro	9.754
9.	Cañiza	29.893
10.	Catoira	19.189
11.	Cerdedo	17.961
12.	Cotobade	30.014
13.	Covelo	31.562
14.	Crecente	25.837
15.	Cuntis	33.067
16.	Dozón	30.308
17.	Forcarei	46.669
18.	Fornelos de Montes	8.822
19.	Gondomar	44.771
20.	O Grove	50.189
21.	A Guarda	59.865
22.	Illa de Arousa	21.014
23.	Lama	29.786
24.	Meaño	72.547
25.	Meis	31.224
26.	Moaña	70.049
27.	Mondariz	43.803
28.	Mondariz Balneario	9.176
29.	Moraña	5.409
30.	Mos	65.850
31.	As Neves	23.291
32.	Nigrán	37.478
33.	Oia	12.020
34.	Pazos de Borbén	16.227
35.	Poio	72.611
36.	Pontecaldelas	34.846
37.	Pontecesures	17.913
38.	Porriño	61.342
39.	Portas	29.806
40.	Ribadumia	29.296
41.	Rodeiro	22.832
42.	O Rosal	27.847
43.	Salceda Caselas	59.340
44.	Salvaterra de Miño	49.016
45.	Sanxenxo	43.708
46.	Silleda	36.676
47.	Soutomaior	19.061
48.	Tomiño	63.103
49.	Tui	58.867
50.	Valga	121.813
51.	Vila de Cruces	49.284
52.	Vilaboa	19.225
53.	Vilanova Arousa	82.938
	TOTAL	2.037.146 €

Na xuntanza de Louzán cos 53 alcaldes da provincia, o presidente suliñou a necesidade de armonizar as tarifas por horas de servizo.