-
Grazas á colaboración dos cidadáns foi posible recuperar as reservas de todos os grupos sanguíneos ata niveis axeitados
-
O Centro de Transfusión de Galicia integrado en ADOS, continuará a desenvolver a campaña de doazón baixo o lema “Súmate. Doa sangue” ata finais de setembro, co obxectivo de manter constante a participación no verán
Santiago, 18 de xullo de 2016.-
O Centro de Transfusión de Galicia, recentemente integrado na Axencia
de Doazón de Órganos e Sangue (ADOS), quere amosar o seu máis sincero agradecemento a todos os cidadáns que, en resposta ao chamamento á participación
que facía esta institución o pasado 5 de xullo.
Entre os días 5 e 16 de xullo, rexistráronse un total de 4.489 doazóns de sangue, das cales o 6% (256 doazóns),
correspondíanse con persoas que efectuaban unha doazón de sangue por vez primeira.
A Axencia
de Doazón de Órganos e Sangue desexa transmitir a todos os cidadáns que acudiron a doar sangue o seu recoñecemento,
xa que, grazas a súa colaboración foi
posible recuperar ata niveis axeitados as reservas de todos os grupos
sanguíneos. Así mesmo, quere facer extensivo
o seu agradecemento aos
medios de comunicación de toda Galicia que contribuíron a difundir
información relacionada coa necesidade de incrementar o volume de
doazóns de sangue no período estival.
“Súmate. Doa Sangue”
ADOS
lembra que a campaña de doazón, que está a desenvolver baixo o lema
“Súmate. Doa Sangue”, continuará a desenvolverse ata finais do vindeiro
mes de setembro,
dado que a campaña de doazón de verán abrangue os meses de xuño a
setembro. Neste período, a Axencia
de Doazón de Órganos e Sangue
estima que serán precisas 40.000 doazóns de
sangue para cubrir todas as necesidades de compoñentes sanguíneos por
parte dos hospitais galegos.
Para
obter máis información sobre onde doar ou resolver calquera dúbida
relacionada co solidario xesto da doazón, o Centro de Transfusión de
Galicia de ADOS dispón
dun teléfono gratuíto 900 100 828 e unha páxina web: ctg.sergas.es
No hay comentarios:
Publicar un comentario