O proxecto hidráulico supuxo unha achega económica de máis de 3 millóns de euros
- Esta actuación está enmarcada nun convenio de colaboración entre a Xunta de Galicia, o Instituto para a Promoción e Equipamento do Solo Industrial da provincia de Pontevedra (IPESPO) e os concellos de Barro e Portas
- O novo sistema de abastecemento tamén dota de auga á parroquia de Briallos, no Concello de Portas
- O proxecto contemplou a instalación dunha captación no río Chaín (Portas), unha estación de tratamento de auga potable (ETAP) e un sistema de bombeo e impulsión desde a estación ata un depósito no polígono de Barro- Meis
- Hernández lembra que a Xunta continúa cos traballos do Plan Umia, un programa que conta cun orzamento de preto de 22 millóns de euros
A Consellería de Medio Ambiente,
Territorio e Infraestruturas, en colaboración coa Deputación de
Pontevedra, vén de poñer en servizo a primeira fase do abastecemento de
auga ao conxunto industrial Barro – Meis así como á parroquia de
Briallos, no Concello de Portas. Así o manifestou hoxe o conselleiro
Agustín Hernández na súa visita a esta zona pontevedresa. Neste acto
tamén estiveron presentes o delegado territorial da Xunta en Pontevedra,
José Manuel Cores Tourís; o presidente da Deputación de Pontevedra,
Rafael Louzán; os alcaldes de Portas, Roberto Vázquez; de Meis, José
Luís Pérez; e de Barro, José Antonio Landín.
Hernández explicou
que este proxecto hidráulico supuxo unha achega económica de máis de 3
millóns de euros. Este investimento está enmarcado nun convenio de
colaboración entre a Xunta de Galicia, o Instituto para a Promoción e
Equipamento do Solo Industrial da provincia de Pontevedra (IPESPO) e os
concellos de Barro e Portas.
O proxecto contemplou a instalación
dunha captación no río Chaín (Portas), unha condución desde a captación á
futura estación de tratamento de auga potable (ETAP), unha ETAP
dimensionada para 38,74 l/s e un sistema de bombeo e impulsión desde a
estación ata un depósito no polígono de Barro- Meis.
A captación
consta de dúas bombas sumerxibles, un caudal de 44 l/s e altura de 21
m.c.a. A estación dispón dun sistema de filtración, dosificación de
reactivos, depósito de 400 m3 de augas filtradas, depósito de 50 m3 de
augas de lavado de filtros.
O bombeo ao depósito de Briallos conta
con dúas bombas verticais e protección antiariete e a impulsión dende a
ETAP ata o depósito dispón de 9.171 metros de tubaxe.
No seguinte gráfico móstrase o funcionamento da estación de tratamento de auga potable inaugurada hoxe.
Plan Umia
O conselleiro de Medio Ambiente, Territorio e Infraestruturas, Agustín Hernández, lembrou que a Xunta de Galicia está a traballar no desenvolvemento das actuacións do Plan Umia coa execución dunhas medidas recollidas nunha exhaustiva planificación que, ata o ano 2015, suporá un investimento de preto de 22 millóns de euros.
O conselleiro de Medio Ambiente, Territorio e Infraestruturas, Agustín Hernández, lembrou que a Xunta de Galicia está a traballar no desenvolvemento das actuacións do Plan Umia coa execución dunhas medidas recollidas nunha exhaustiva planificación que, ata o ano 2015, suporá un investimento de preto de 22 millóns de euros.
Esta programación
está a desenvolverse con actuacións concretas de saneamento e
depuración de núcleos situados na ribeira do Umia e tamén con accións de
xestión, de mellora e de concienciación no ámbito de influencia do río.
No hay comentarios:
Publicar un comentario