José Sanmartín, do PSOE de Barro, promove a constitución de ACEBA, asociación de comerciantes de Barro.

José Sanmartín, do PSOE de Barro, promove a constitución dunha asociación de comerciantes e empresas.

Para elo remitiu unha nota, na que pide que "participen todos os empresarios, hosteleiros, comercios e autónomos en xeral, que o desexsen."

O contido da nota remitida por Sanmartín do PSOE de Barro é o seguinte:
 

"Moi  Srs. Nosos  pola presente queremos informarlle da realización dunha xuntanza co fin de levar a cabo a formalización dunha asociación de comerciantes e empresarios local. Para este grupo de persoas que estamos a propoñer esta inicativa,  gustaríanos contar coa vosa asistencia a dita reunión , que se celebrará na Biblioteca de Barro o dia  dez de maio as 21.15 h.

Nesta charla estarán presentes varios expertos que nos guiarán o camiño, expoñendo os beneficios que dita asociación  vai aportar o comercio en xeral." Entre eles citan a presencia de Marcos Asorey, Presidente da Federación de Comercio do Salnés.

José Sanmartín do PSOE, encabeza esta xestora, cun "grupo de empresarios e comerciantes", dos que non se citan nomes xa que "non queren de momento decilo, pero o importante do acto, vai ser a presencia de comerciantes e empresarios", como nos comunicou ó requerimento de información por parte nosa.