CHEGA A PONTEVEDRA O II FESTIVAL DE HABANERAS, QUE ORGANIZA A DEPUTACIÓN PROVINCIAL - Voz de Barro. Noticias

Breaking

El tiempo en Barro

El tiempo - Tutiempo.net

martes, 23 de abril de 2013

CHEGA A PONTEVEDRA O II FESTIVAL DE HABANERAS, QUE ORGANIZA A DEPUTACIÓN PROVINCIAL


O certame terá lugar o vindeiro sábado, 27 de abril, no Centro Social Novacaixagalicia

·       Participarán once corais das comarcas do Morrazo, do Deza, Tabeirós e Pontevedra
O Auditorio do Centro Social Novacaixagalicia de Pontevedra acollerá este sábado, 27 de abril, o II Festival de Habaneras que organiza a Deputación Provincial de Pontevedra.
O certame, que terá lugar ás 17,00 horas e con entrada de balde, contará coa participación de 11 corais das comarcas do Morrazo e de Pontevedra, que interpretarán tres pezas do seu repertorio cada unha.
O II Festival de Habaneras celebrarase este ano en tres localidades da provincia, coa participación de diferentes corais en cada un deles. Ademais do de Pontevedra, xa se celebrou en Vilagarcía o pasado domingo 21, e Tui, a onde chegará o 11 de maio.
Agrupacións participantes
No caso de Pontevedra, as corais que actuarán será o Coro Santa Eulalia de Meira dirixido por Ángel Leite Santos; o Coro Chorima de Moaña que dirixe Rosa María Cerviño Loira; a Coral Polifónica de Campo Lameiro con dirección de Sonia Bouzada Pérez; o Coro Samertolameu, baixo a dirección de Manuel Ares García; o Orfeón Parroquial Nosa Señora de Hoy-Vas de Vila de Cruces que dirixe Enrique Viz Otero; a Coral Polifónica de Barro da que é directora Cristina Castro Pintos; a Coral do Centro Sociocomunitario de Marín, neste caso baixo a batuta de Monserrat Arosa Villar; a Coral Polifónica Estradense dirixida por Javier Comesaña Pereira; a Asociación Masa Coral Moañesa, con dirección de Manuel Iglesias Martínez; a Coral Polifónica Marusía dirixida por Antonio Davila Álvarez; e finalmente, a Coral Airiños de Campañó que dirixe Enrique Alberto Martínez Rivero.

No hay comentarios:

Publicar un comentario