Xunta de Galicia: Medio Rural volve a activar dende hoxe os permisos de queimas controladas. - Voz de Barro. Noticias

Breaking

El tiempo en Barro

El tiempo - Tutiempo.net

martes, 14 de junio de 2011

Xunta de Galicia: Medio Rural volve a activar dende hoxe os permisos de queimas controladas.

A Consellería do Medio Rural volve a activar desde hoxe, luns, os permisos para facer queimas, unha vez que as previsións meteorolóxicas permiten a realización destas tarefas.
Tal e como se contempla na Lei 3/2007, do 9 de abril, de prevención e defensa contra os incendios forestais de Galicia, o pasado 10 de maio suspendíanse os permisos de queima diante das previsións de vento moderado do nordés.

SolicitudesA partir de hoxe poderanse realizar as comunicacións e solicitudes de autorización de queimas de restos agrícolas e forestais a través do teléfono 012, do centro de atención aos cidadáns da Xunta de Galicia e da Oficina Agraria Virtual (OAV), de acordo co establecido no artigo 34 da Lei de prevención e defensa contra os incendios forestais.

Deste xeito, os cidadáns que desexen queimar restos agrícolas nos períodos habilitados para facelo, poderán cumprir coa esixencia de comunicación previa, así coma solicitar a autorización preceptiva en caso de queima de restos forestais.

A queima non se iniciará antes de saír o sol e quedará totalmente extinguida dúas horas antes do momento da súa posta. Previamente ao seu inicio, farase unha devasa mediante a eliminación manual ou mecánica da totalidade do material combustible nunha franxa de polo menos cinco metros de largo, rodeando o perímetro que se vai queimar.

Cabe recordar que non se abandonará a vixilancia da zona queimada, ata que o lume estea totalmente apagado e transcorresen dúas horas sen que se observen lapas ou brasas.
No caso de que as condicións meteorolóxicas se volvan adversas para a realización destas tarefas, os permisos de queima quedan automaticamente anulados.

No hay comentarios:

Publicar un comentario