Deporte: Tempada de Caza en Galicia. Período 2011/2012 - Voz de Barro. Noticias

Breaking

El tiempo en Barro

El tiempo - Tutiempo.net

martes, 21 de junio de 2011

Deporte: Tempada de Caza en Galicia. Período 2011/2012

A Consellería de Medio Rural da Xunta de Galicia, ven de publicar no DOG de 17 de xuño, a orde do 7 de xuño pola que se determinan as épocas hábiles de caza durante a tempada 2011-2012.

Esta orde de vedas regula os períodos hábiles de caza, as especies sobre as que se poderá exercer, os métodos autorizados para a súa práctica e as limitacións xerais ou particulares que afectarán o exercicio da actividade cinexética no territorio da Comunidade Autónoma de Galicia durante a tempada 2011-2012, considerada esta como o período comprendido entre o 1 de agosto de 2011 e o 31 de xullo do ano 2012.

O período hábil para exercer a caza, válido con alcance xeral, será o comprendido entre os días 16 de outubro de 2011 e o 6 de xaneiro de 2012, ambos inclusive, coas excepcións que para cada especie se sinalan no título V de esta orde. Os días da semana en que se permitirá o seu exercicio dependerán de que se trate dunha ou doutra das modalidades de caza maior ou menor e veñen detallados nos títulos II e III desta orde que se refiren a cada unha delas, así como nas limitacións sinaladas no título V desta orde.

Máis información na web da Federación Galega de Caza  e pódese consultar o DOG neste enlace.


No hay comentarios:

Publicar un comentario