MEDIO AMBIENTE SINALA QUE AS AUTOVÍAS E AUTOPISTAS GALEGAS REXISTRARONUNHA MEDIA DE MÁIS DE 10.000 VEHÍCULOS DIARIOS NO ANO 2011

A rede de vías de alta capacidade (VAC), no período comprendido entre os anos 2007 e 2011, aumentou a súa lonxitude nun 47%, pasando de 258,24 km a 379,22 km


• O informe de aforos amosa que as vías con maior intensidade media diaria (IMD) no 2011 foron a AG-55 (A Coruña- Carballo), con 13.259 vehículos diarios; a AG-56 (A Rocha- Brión), con 20.775 coches; ou a AG-41 (Curro- Sanxenxo), con 14.476
• A Xunta desenvolveu unha análise da evolución do tráfico na rede de estradas galegas nos últimos 5 anos, no período comprendido entre os anos 2007 e 2011

A Consellería de Medio Ambiente, Territorio e Infraestruturas sinala que as autopistas e autovías galegas rexistraron unha media de máis de 10.000 vehículos diarios no ano 2011. Estas cifras foron constatadas tras a análise dos datos de aforos que a Xunta de Galicia vén elaborando cada ano.

O informe de aforos do departamento de Infraestruturas amosa que as vías con maior intensidade media diaria (IMD) no ano 2011 foron a AG-56 (Santiago- Brión), con 20.775 coches; a AG-41 (Autovía do Salnés), con 14.476; a AG-55 (A Coruña- Carballo), con 13.259 vehículos diarios; e a AG-11 (Autovía do Barbanza) con 12.714.

Cómpre salientar o notable incremento nos kms de VAC postos en servizo nos últimos anos, pasando de 258,24 km no 2007 a 379,22 km no 2011, un crecemento de preto do 47%.

No seguinte cadro pódense observar os datos de intensidade media diaria rexistrada nas principais autopistas e autovías galegas dende o ano 2007 ata o 2011. A continuación, pódese consultar outra táboa coas intensidades noutras vías de alta capacidade.

AUTOPISTAS E AUTOVÍAS						2007	2008	2009		2010	2011
	AG-55 A Coruña- Carballo		IMD		14.751		14.575	14.219	13.969		13.259
A CORUÑA	AG-11 Padrón- Ribeira	IMD		en construcción			8.993	12.396	12.991		12.714
	AG-56 A Rocha- Brión	IMD		en construcción			17.457	18.611	19.875		20.775
	AG-58 Penelas- Cacheiras	IMD		en construcción			2.110	2.608	3.082		2.873
	AG-59 Santiago- Pontevea	IMD		en construcción			4.373	6.370	7.922		7.549
A CORUÑA/ LUGO	AG-64 Ferrol- Vilalba	IMD		6.738			6.729	5.932	5.679		6.034
OURENSE	AG-53 Alto Sto Domingo- Barbantes	IMD		5.086			5.474	6.649	7.269		7.312
	AG-54 AG-53- O Carballiño	IMD		en construcción				5.471	6.016		6.153
PONTEVEDRA	AG-41 Curro- Sanxenxo	IMD		en construcción			10.865	14.941	15.457		14.476
	AG-53	IMD		5.086			5.474	7.927	8.859		8.969
	AG-57 Baiona- Vigo		IMD	8.197			7.772	7.677	7.914		7.462

Informe de aforos
O Goberno galego desenvolveu unha análise da evolución do tráfico na rede de estradas galegas nos últimos 5 anos, no período comprendido entre os anos 2007 e 2011. Esta análise lévase a cabo por provincias e subdivídese segundo o tipo de rede: vías de alta capacidade (VAC), vías de rede primaria básica (PB), vías de rede complementaria (PC) ou secundaria (S).

A Xunta de Galicia, dende o ano 1993, vén seguindo unha política de ampliación e mellora da rede de estacións magnéticas de aforo completando unha malla que abrangue a meirande parte das estradas da comunidade. Así, no ano 2011 explotáronse un total de 327 estacións, das que 198 foron fixas ou de detección magnética e 129 de detección pneumática.

Pontevedra
A provincia de Pontevedra, desde o ano 2007 ata o ano 2011, mantén estabilizada a lonxitude de estradas pertencentes a RAEGA. Os km de VAC tamén medran nesta provincia, pasando de 93,7 en 2007 a 108,7 en 2011. A IMD nas estradas convencionais experimentou no mesmo período un descenso do 4,7%, mentres que a porcentaxe de vehículos pesados aumentou 0,3 puntos. A intensidade nas VAC aumenta, xa que en 2007 rexistráronse 8.904 coches diarios e en 2011, 9.350. Este aumento repercute no tráfico das restantes estradas, que se ve diminuído, facilitando a circulación.

IMD	2007	2008	2009	2010	2011
VAC	8.904	8.539	9.047	9.362	9.350
PB	8.532	8.267	8.047	8.058	7.712
PC	4.730	4.501	4.508	4.439	4.328
S	1.960	1.862	1.886	1.824	1.837
TOTAL	4.786	4.623	4.660	4.650	4.563

A Consellería de Medio Ambiente lembra que todos estes datos de tráfico poden ser consultados na seguinte dirección: http://www.cmati.xunta.es/seccion-tema/c/Infraestruturas_Estradas?content=Direccion_Xeral_Infraestruturas/Plan_aforos/seccion.html&std=plan-aforos.html