Esta actuación, denominada
DepoEMPRENDE, está enmarcada no programa de itinerarios de emprendemento
xuvenil da Fundación INCYDE e
financiada polo Fondo Social Europeo
A Xunta de Goberno da Deputación de
Pontevedra ven de aprobar o proxecto DepoEMPRENDE, enmarcado no programa de
emprendemento xuvenil da Fundación INCYDE e financiado polo Fondo Social
Europeo, a través do cal se investirán preto de 260.000 € para o impulso do
emprendemento xuvenil entre 120 mozas e mozos da provincia, menores de 30 anos,
rexistrados no Sistema Nacional de Garantía Xuvenil, sen ocupación e sen estar
integrados nos sistemas de educación ou formación.
DepoEMPRENDE, cuxo orzamento ascende a preto
de 260.000 €, ten como obxectivo o fomento do espírito emprendedor e a cultura
emprendedora, eliminando as barreiras que dificultan ou impiden a
transformación das ideas emprendedoras en proxectos concretos. Amais, tamén
pretende facilitar a incorporación ó mercado laboral de 120 mozas e mozos da
provincia a través de itinerarios de emprendemento xuvenil adaptados ás súas
necesidades en seis localizacións diferentes da rede da Fundación INCYDE
situadas en Tui, Vigo, Pontevedra, Vilagarcía de Arousa, Barro-Meis e Lalín.
A Deputación de Pontevedra, coa colaboración
das Cámaras de Comercio da provincia e a través de DepoEMPRENDE, encargarase,
entre outras cuestións, da captación das persoas beneficiarias, da promoción da
cultura emprendedora, da formación en emprendemento e definición dun proxecto
empresarial e do asesoramento nas etapas iniciais de cada un dos proxectos que
se leven a cabo.
Con esta actuación, a Deputación de
Pontevedra quere promover que os proxectos medren de xeito competitivo,
consolidando solucións óptimas en xestión de recursos, incrementando o valor da
innovación para fortalecer o tecido empresarial, creando emprego, mellorando a
prestación de servizos e desenvolvendo novos produtos e modelos de negocio.
Un dos obxectivos da Deputación de
Pontevedra é a loita contra o desemprego para converter á provincia nun
territorio próspero. Por tal motivo, o goberno da institución está a destinar
un 20,5% máis de recursos ó fomento do emprego, investindo 15,3 millóns de
euros en planificar estratexias de desenvolvemento coa finalidade de impulsar o
crecemento económico e o progreso social da provincia de Pontevedra.
No hay comentarios:
Publicar un comentario