OS GRUPOS DA CORPORACIÓN APROBAN UN ACORDO CONXUNTO PARA RECLAMAR A PARALIZACIÓN DAS QUITAS E UNHA ENTREVISTA CON DE GUINDOS

Os tres grupos da Corporación Provincial de Pontevedra acordaron no pleno celebrado esta mañá no Pazo Provincial a aprobación dunha declaración conxunta de apoio aos afectados, na que reclaman a paralización das quitas e unha entrevista co ministro De Guindos.

O acordo amosa o compromiso das tres forzas “na busca de solucións para que os afectados polas preferentes, subordinadas e outros híbridos financeiros” co obxectivo de que poidan recuperar a totalidade dos seus aforros e establece catro puntos de acordo:

1º.- Reclamar que se paralice a aplicación das quitas aos afectados.

2º.- Demandar que se suspenda o Real Decreto que estableceu a obrigatoriedade das quitas para os tenedores de participacións preferentes e subordinadas

3º.- Solicitar unha entrevista co ministro De Guindos e unha representación dos afectados

4º.- Que se promovan todas as medidas tendentes a que os afectados recuperen o 100% dos seus aforros