17 TITULADOS SE BENEFICIARÁN DAS BOLSAS DE PRÁCTICA LABORAL DA DEPUTACIÓN, CO QUE XA SON 286 AS CONVOCADAS

• ·       As bolsas teñen unha dotación económica de 800 euros
• ·       Os solicitantes dispoñen de 15 días hábiles para a presentación da documentación pertinente

A Deputación de Pontevedra ven de convocar 17 novas bolsas de práctica laboral para titulados universitarios, con destino a centros da Deputación e concellos da provincia: 10 para os distintos centros do organismo provincial e 7 para outros tantos concellos de Pontevedra.

Entre os requisitos para acceder ás bolsas: ser menor de 31 anos, non ter experiencia laboral previa na área na que se formou, acreditar coñecemento do galego no nivel Celga IV, non ter sido beneficiario de bolsa remunerada da Deputación. O proceso de selección desenvolverase en dúas fases, a primeira de concurso  e valoración de documentación presentada polos admitidos; e unha segunda fase de entrevista persoal cos candidatos que superen o corte establecido na primeira fase.

No caso da Deputación, as bolsas son para:

·       1 licenciado ou graduado en ciencias do mar

·       1licenciado ou graduado en Administración e Dirección de empresas

·       1 técnico superior en xestión comercial e mercadotecnia

·       1 licenciado ou graduado en comunicación audiovisual

·       1 técnico superior en son para audiovisuais e espectáculos

·       2 licenciados en veterinaria

·       1 licenciado ou graduado en socioloxía ou economía

·       1 técnico superior en administración de sistemas informáticos ou desenvolvemento de aplicacións informáticas

·       1 técnico superior en deseño e produción editorial, produción en industrias de artes gráficas, deseño e edición de publicacións impresas e multimedia, e deseño e xestión da produción gráfica

No caso dos concellos:

·       Rodeiro: licenciado ou graduado en Administración e Dirección de empresas

·       Meaño: licenciado, graduado ou diplomado en maxisterio (especialidade educación infantil)

·       Baiona, A Guarda, Gondomar e Fornelos: técnico superior en administración de sistemas informáticos ou desenvolvemento de aplicacións informáticas

Con estas, son xa 286 as bolsas convocadas e, polo tanto, preto de 300 universitarios terán a oportunidade de ter un emprego grazas á Deputación de Pontevedra.